U contropedi di Kaka’

“Iddu” avia cinquantacinqu notti chi non dummia e ci passaunu pa testa
pinseri brutti.Pinsava chi rivava a finiri nte cacciri, unni a genti
ci putia fari i suvizzi,umiliarlu,pigghiarlu pu culu,o,peggiu ancora,pigghiarici u so culu. Si scantava c'avia puliziari i stradi, chi c'avia dari a manciari e vecchi nto spiziu.
Pinsoi magara chi  so figghiozzu Alfanu avissi statu na pasca 'nto
guvennu du Pd,chi a Caffagna sa facia cu Renzi e a Minetti cu
Civati. 
Chi canali 5 divintava a nova televisioni di Di Benedetti e u Milan
cadia 'nte manu di tedeschi.
Pa disperazioni stampoi na littra di dimissioni e cià desi a tutti i so 
cumpari.
Si Lettinu e Gioggiu Secunnu cuntinuanu a fari i scecchi 'nto linzolu e non ci daunu l’agibilità nto Pallamentu, iddi s’aviunu dimettiri subutu
 e a fanculu u govennu di lagghi intesi.
U diritturi Gioggi e u so capu squadra,'ncazzati niri,fimmaru i travagghi e così 
sautoi u bloccu di l’IVA.
"Iddu”,comu si fussi Kakà,cu un contropedi fulminanti  fici
cadiri u govennu,picchì di comunisti du Pd,chi morunu du desideriu
di 'nziccarici i manu 'nte sacchetti dill' italiani,cu na scusa “babba” aviunu
fattu pattiri l’aumentu ill’IVA.
E a “Iddu” ci ritunnoi u sonnu, ripusoi friscu e beatu e 
si 'nsunnoi elezioni,comizi,conferenzi,manifesti di Fozza Italia, IMU+IVA e 
festeggiamenti chi banneri svintulanti.
Gioggiu Secunnu e Lettinu jo condor ristaru ribbamminuti a vaddari i stiddi nto celu 
e a scipparici i fogghi a maggarita:
elezioni si, elezioni no,elezioni si elezioni no.
E  ora comu facemu cu spread,cu L’Europa, ca disoccupazioni, ca leggi
elettorali, ca giustizia,ca genti chi non pò mancu manciari?
U Signuri mi ni pigghia pi capiddi.
I nostri votazioni:
Grillu resta sempri a zeru,cetti voti +,cetti voti-,picchì aspetta ancora u
trenu chi ommai passoi;
Barilla 1  picchì 'nta so pubblicità non voli i ricchiuni;
Dariu Fo 3  picchì no lassoi futtiri.

Puntu e a capu

A stissa libreria. a stissa bannera, a stissa scrivania, u stissu calamaru,

i stissi capiddi, a stissa maschira, a stissa canzuna, Fozza Italia,

u stisu ritunnellu, malanova mi hannu i giudici. Ritunnammu a vint’anni fa,

quann’erumu cchiù figghioli, c’era a Lira, c’erunu i Torri Gemelli,

George Bush era u frati babbu e a Mafia mazzoi Falconi e Borsellinu.

Nto munnu nto frattempu pirò, ci foru guerri, stragi, tsnunami, terremoti,

crisi; passaru, Aznar, Zapatero, Rajoy, Mitterand, Chirac, Sarkozy, Hollande

Bush primu, Clinton, Bush secunnu, Obama, Giovanni Paolu secunnu,

Binidittu sedicesimu, Franciscu primu, e nta l’Italia sempre unu. U Paisi

Du Suli ristoi imbalsamatu, studdutu, mbalbulatu e vuliri d’ un riccu culu rinisciutu
Chistu,chi a tutti i banni u canusciunu pi buffuni e ntrallazzeri,

cianci cu lacrimi, picchì voli ntennniri a diri chi si non era pi magistrati

carogni e comunist e i politici nvidiusi, avissi pututu fari a so rivoluzioni

liberali e l’Italia cu sapi unni avissi rivatu. Ognunu è liberu di pinsari

quali saria stu postu. Ora pirò chi fu cunnanatu smania comu un pacciu

picchì a leggi dici chi un pregiudicatu non po’ rapprisintari u populu.

Ma iddu di sta ricchi non ci senti e  pi menzu di so scribbacchini e

Pinni vinnuti ietta malanova e izza i genti contro i giudici,

Ricatta u prisidenti Gioggi secunnu e teni Lettinu a bagnu maria.

Ristammu tutti middati all’abburu di desideri di un vanitusu

Riccu e arroganti. Pari cu regista chi gira stu film non rinisci a

Truvari na fini e costringi l’attori a ristari supa a scena fina o

Sfinimentu,e puru Donnantoni chi vi sta scrivennu.

Menu mali chi c’è Papa Franciscu Maravigghia, chi nto

Giunnali di Gesuiti,Civiltà Cattolica, cunfissoi di esseri un piccaturi.

A Napulitanu un zero più non ciu leva nuddu,picchì non rinisci

Cchiù a stari ca schina ritta. Fossi è a vicchiaia?

I tribunali chi pidderu a causa

I cammii sunnu chini di scattoffi,di catti bullati, di denunci e

testimonianzi,di rubbatini,'mazzatini,tradimenti,di soddi,

sentimenti,motti e vita.

A Cancilleri,a Tatcher 'cchiù rossa, chi

non cianci mancu quannu ci mori a iatta, fici a leggi pa 

sistemazioni di tribunali.

All’epuca so patrozzu,u 'ngissatu, Monti,

chiddu chi prega Diu e tagghia u prossimu ci avia dittu chi

i spisi da Giustizia   erunu assai e s’avia a dari na sfubbiciata.

Idda,chi non si menti a divisa di carabbineri picchì non ci capi,inveci da

fobbicia pigghioi a 'ccetta e nta quattru e quatrottu cancilloi:

trenta tribunali, ducentuvinti distaccamenti e 

setticentusettanta giudici di paci.

'Nto coppu fici rispammiari ottanta miliuni.

Nu bellu regalu pu minustru Saccu e mani.

E cu si ni futti di l’avvocati,,di l’impiegati,chi hannu a fari u traslocu

nta n’autra cità,di genti chi hannu a fari centinaia di 

chilomitri,pi divozzi,risarcimenti o sulu testimonianzi.

U contadinu  chi avi u vicinu chi ogni vota chi mivira ci robba menzu

metru i terra, o u lassa futtiri o pigghia a scupetta e ci

spara.

Quannu “Iddi” pigghiunu a pinna e fannu i cunti

è sicuru chi cuminunu cazzati.

U ragiunamentu è sempri u stissu;si c’è na scola 

nto pizzu di na muntagna cu sulu deci carusi, non cunveni tenilla apetta.

Però si si chiudi di poviri mammi unni hannu a mannari i figghi a scola?

Diciunu chi cu sti spostamenti ponnu fari tribunali 

specializzati,unu pa mafia,unu pa corruzioni,unu pi 

l’evasioni,uno pi pedofili e i violenzi sessuali.

Ma unu pi conna chi hannu no fannu?

Ci vurria un beddu scioperu generali a tempu indeterminatu e così

videmu sa finisciunu.

Un deci ,unnici,dudici pi Mimmu Quiricu,chi mancu u libiraru 

du rapimentu in Siria ni desi na lezioni di 

umaniyà e giornalismu.

Deci chiù a Papa Franciscu Maravvighia chi offri i cunventi

e rifugiati.

Zeru menu a Violanti chi cianci picchi non si renni cchiù

cuntu di chiddu chi dici.

Monticitoriu,na tirrazza a Cinqu Stiddi

Carlu, Massimu, Maria Edera, Ianciula e n’autri ottu deputati 'nchianaru 'nta tirrazza di Monticitoriu e si puttaru a manciari,a 'mbiviri e macara u cafè.

I genti chi erunu 'nta ghiazza isaru l’occhi pi supa 

e vistunu svintulari nu strisciuni a Cinqu Stiddi.

C’era scrittu:”A Costituzioni non si tocca”.

E cettu. Picchì 'nto Palazzu,quasi quasi a mucciuni, i

figghi da “purcedda” si staunu mintennu a

travagghiari ma canciunu.

Sicunnu u so Diu l’hannu fari 'cchiù

bella,'cchiù figghiola e 'cchiù moderna.

L’ abusivu, u pregiudicatu, buttaneri e sparaminchiati e da

maniata di babbi du PIDDI’ ni vorriunu fari cridiri chi si pi

vint’anni e fossi 'cchiù sai l’Italia fici ridiri i polli, 

è cuppa da troppa democrazia e di troppi ghiacchiri e chi

i leggi s’hannu fari subutu e i decisioni s’hannu a

pigghiari viatu.

Ma l’onorevoli chi scriverru a Costiutzioni,chi erunu giudiziusi 

e vidiunu luntanu,su magginaru chi prima o poi rruvava

cacchi scarafuni e ci minteru l’art 138!.

Chisti però, chi hannu a facci comu u culu e non si femmunu davanti a

nenti , cu na deroga ci vorriunu   girari attornu.

I studiunu tutti pi nesciri fora da camicia di fozza da Carta da Nazioni.

Daintra c’è troppu giustizia,e a iddi a giustizia ci veni difficili.

Pi diri a virità u 'cchiù onestu finu a ora ha sta

Tu u” pregiudicatu” chi ha dittu chi,s'avissi  statu pi d'iddu,

l’avissi strazzatu tutta.

I ”purceddi” inveci, avissunu a canciari a leggi elettorali,

ma a”mamma “ non si tocca,

U conflittu d’interssi? E cu ciù tocca a Papi?

Nu bellu 10 a di  depudati di Cinqu Stiddi chi appunu u curaggiu

di denunciari i malifatti da banda di Lagghi 'Ntisi, e nu

 bellu zeru femmu pi di du capri di Grillu e Casaleggiu chi

vannu sempri o stottu.

10 e lodi, e macara 'cchiù sai a Papa Franciscu Maravigghia,

chi cu discussu contru a guerra in Siria, o Nobel pa Paci Obama,

u fici divintari iancu pa viggogna.

Ci ittoi l’IMU e i pisci abbuccaru

L’autra sira ,a l’ura chi cumincia a calari u sonnu,a genti si ittau nte

stradi,chi machini,chi motocicletti,chi bicicletti e macara chi lapi pi

fari buddellu.

Sunaunu i claxon,i trummetti,i friscaletti e svintulaunu

banneri dill'Italia e banneri russi e niri.

Ma cu erunu chisti?Vinciu u Milan?

No. Erunu chiddi du PDL chi smanianu pa cuntintizza chi “Iddu” avia luvatu   

L’IMU.

L’avia prumittutu prima di l’elezioni e mantiniu a parola,

picchì “Iddu” è un omu d’onori.

Sa vulemu cuntari tutta, aprennu parentisi, avia dittu chi ritunnava arreti 

i soddi  chi ni fici pagari du 'ngissatu di Monti,

ma u sapemu tutti chi era na scaciuna pi futtiri i cumpagni.

Chiusa parentisi.

Lettinu ciccoi cu tutti i so fozzi mi tira a codda.

Non cia fici.

Ca prima ciusciata vutoi all’anchi all’aria.

L’IMU a livaru pi tutti,tranni pi chiddi chi hannu i castelli e i villi di lussu,

(a trovili!, iaprennu e chiudennu n'autra parentisi).

I costruttori non hannu a pagari pi casi chi non rinisceru mi vinnunu.

In compensu u prossimu annu avemu a Service Tax, chi l' hannu a pagari macara l’inqulini.

Ficiru cridiri ca casa è sacra,a proprietà non si tocca, l’ugualianza na putemu 'nzunnari

e a giustizia è sulu pi cchiù fotti.

Ritunannu a “Iddu", na vota chi vinciu, vosi nu bellu sondaggiu

e dimustrau chi ora l'italiani u vonnu cchiù beni ancora.

Ci ittoi l’IMU e i pisci abbuccaru n’autra vota.

Pari cu celu è bellu pulitu ,ma si sta vutannu un gran malutimpuni.

Unnè chi rriva acqua, lampi, trona ragnola e na gran trumma d’aria 

chi scupecchia tutti l’attarini.

Ca semu.

A comu voli Diu.

Donnantoni sbagghiau: Nta Siria u gas non è nervinu.

E' sarinu.